मुंबई | शिवसेनेचे ज्येष्ठ नेते आणि मुंबई दक्षिण लोकसभा मतदारसंघाचे खासदार अरविंद सावंत यांना ‘संसद रत्न पुरस्कार’ मिळाल्याने सर्वत्र अभिनंदनाचा वर्षाव होत आहे. संसदेतील प्रभावी कामगिरी, जनहिताच्या मुद्द्यांवर सातत्याने आवाज उठवणे आणि विधीमंडळात सक्रीय सहभाग यामुळे त्यांना हा प्रतिष्ठेचा पुरस्कार मिळाला आहे.
राजकीय प्रवास :
1995 मध्ये एमटीएनएलमधून स्वेच्छानिवृत्ती घेतल्यानंतर त्यांनी शिवसेनेत पूर्ण वेळ कार्यकर्ता म्हणून काम सुरु केले. 1996 ते 2010 या कालावधीत ते महाराष्ट्र विधान परिषदेचे सदस्य राहिले. त्यानंतर 2014, 2019 आणि 2024 या तीन लोकसभा निवडणुकीत सलग विजय मिळवत त्यांनी मुंबई दक्षिणची जागा राखली.
संसदेत प्रभावी उपस्थिती :
- उपस्थिती: 91% पेक्षा अधिक
- प्रश्न विचारले: 245
- चर्चांमध्ये सहभाग: 109
- खासगी विधेयक: 1
केंद्रीय मंत्री म्हणून कार्य :
2019 मध्ये केंद्र सरकारमध्ये भारी उद्योग व सार्वजनिक उपक्रम मंत्री म्हणून त्यांनी जबाबदारी पार पाडली.
पुरस्काराचे महत्त्व :
‘संसद रत्न पुरस्कार’ हा पुरस्कार देशातील खासदारांच्या संसदीय कामगिरीवर आधारित असून, कार्यक्षमतेचा उच्च नमुना सादर करणाऱ्या खासदारांना दिला जातो. अरविंद सावंत यांचा हा सन्मान त्यांच्या सातत्यपूर्ण कार्याचा आणि जनतेशी असलेल्या निष्ठेचा पुरावा आहे.
पालघरमधून अभिनंदन :
पालघर नागरिक ग्रुपचे संपादक जावेद लूलानिया यांनी सावंत साहेबांना शुभेच्छा देत म्हटले,
“आपली ही यशस्वी वाटचाल आमच्यासाठी अभिमानास्पद आहे. जनतेच्या सेवेसाठी असलेली आपली निष्ठा व बांधिलकी वंदनीय आहे!”
