🔺 पालघर जिल्ह्यात बेकायदेशीर धंद्यांचे खुलेआम साम्राज्य – पोलीस कारवाई फक्त दिखावा? 🔻

दिनांक: १० जून २०२५

‘पालघर नागरिक’ ग्रुपची विशेष बातमी….

पालघर जिल्ह्यातील विक्रमगड, जव्हार, मोखाडा आणि वाडा भागात खुलेआम गांजा, गुटखा, गावठी दारू, मटका, आणि जुगार क्लब सारखे बेकायदेशीर धंदे बिनधास्त चालू आहेत. या धंद्यांविरोधात आम्ही दोन वेळा पोलिसांना लेखी तक्रारी दिल्या असून संबंधित धंदेवाल्यांची नावे, पत्ते आणि पुरावेही दिले गेले; मात्र आजतागायत पोलीस प्रशासनाकडून कोणतीही ठोस कारवाई करण्यात आलेली नाही.

उलट पोलिसांनी संबंधित गुन्हेगारांना बोलावून,

“तुमच्यावर तक्रार आली आहे, हप्ता वाढवा आणि सावध रहा”

असं सांगितल्याचं आमच्याकडे खात्रीशीर माहिती आहे. हे केवळ लोकशाही यंत्रणेचा अपमान नसून, पोलिसांचं बेकायदेशीर धंद्यांशी असलेलं संधानही दर्शवतं.

• गांधीनगर परिसरात “दिलावर” नावाचा इसम गुटखा विकतोय, याची तक्रार दिल्यावरही कारवाई नाही.
• जव्हार आणि मोखाडा पोलीस स्टेशनला दिलेल्या तक्रारींचं उत्तर तयार ठेवलं गेलं आहे –

“आमच्या हद्दीत अशा प्रकारचे कुठलेही धंदे नाहीत” – ही प्रतिक्रिया जबाबदारी झटकण्याचा प्रकार वाटतो.

🔍 काही अलीकडील कारवाया – पण फक्त काही ठिकाणीच

✅ बोईसर क्राईम ब्रांचने ₹५५ लाखांचा गुटखा पकडला – MH 43 BX 2156 गाडी पकडून आरोपी अटकेत (क्राईम ब्रांचचे अनिल वटकर यांची टीम अभिनंदनास पात्र).

✅ डहाणू मध्ये महिला पोलीसांवर हल्ला – गुन्हेगारांना पोलिसांचाही धाक राहिलेला नाही.

✅ डहाणू जुगार क्लबवर कारवाई – ही फक्त एक शोभेची कारवाई ठरते, जेव्हा इतर भागात काहीही होत नाही.

❗ मुख्यमंत्री, उपमुख्यमंत्री आणि एसपी साहेबांना सवाल ?

🔸 मुख्यमंत्री मा. देवेंद्र फडणवीस यांनी पालघर जिल्ह्यात एक स्पेशल एस्कॉर्ट टीम पाठवली – पण ती टीमही केवळ दिखावा करताना दिसतेय.

🔸 पोलीस प्रशासनाने जर एवढ्या पुराव्यानंतरही कारवाई केली नाही, तर हे स्पष्ट होतं की हप्ता सिस्टीम आजही बळकट आहे.

🔸 मा. एसपी यतीश देशमुख साहेब, आपण आल्यावर काही ठिकाणी कारवाई झाली हे मान्य, पण विक्रमगड, जव्हार, मोखाडा आणि वाडा मध्ये अजूनही धंदे मोकळेपणाने चालत आहेत.

आमची मागणी: संबंधित प्रभारी अधिकार्‍यांवर चौकशी आणि निलंबनाची कार्यवाही व्हावी. अन्यथा ‘पालघर नागरिक’ ग्रुप जनआंदोलनाच्या मार्गावर जाणार आहे.

✍️ बातमी दिली – ‘पालघर नागरिक’ ग्रुप तर्फे

📞 संपर्क: पत्रकार जावेद लुलानिया, पालघर

📱 8806247860 / 9967456836

---

---